Tag Archives: ڤیزا

ڕۆژنامه‌یه‌کی ئوسترالیا: چیتر په‌ناخوازان ده‌ستگیر مه‌که‌ن

10416592_736901069775663_7470748588775434611_nرۆژنامه‌یه‌کی به‌ناوبانگی ئوسترالی داوا ده‌کات چیتر په‌ناخوازان ده‌ستگیر نه‌کرێن و دیپۆرت نه‌کرێنه‌وه‌و به‌له‌مه‌کانیان بۆ ئه‌و ناوچانه‌ نه‌گێڕدرێنه‌وه‌ که‌ لێوه‌ی هاتوون.. رۆژنامه‌ی زه‌ ئه‌یج که‌ رۆژنامه‌یه‌کی به‌ناوبانگی ئوسترالییه‌ داوا ده‌کات حکومه‌تی وڵاته‌که‌ی له‌ په‌ناخوازان خۆشبێت و ڕێگه‌یان پێبدات کۆچ بکه‌ن بۆ ئه‌و وڵاته‌.
رۆژنامه‌که‌ ئاماژه‌ی به‌وه‌داوه‌ که‌ ئوسترالیا خه‌رجییه‌کی زۆر ده‌کات بۆ دیپۆرت کردنه‌وه‌ی په‌ناخوازان. سه‌ره‌ڕای ئه‌وه‌ی که‌ ئه‌و سیاسه‌ته‌ دژی به‌ها مرۆییه‌کان و دیموکراسییه‌ له‌و وڵاته‌دا.
حکومه‌تی ئوسترالیا له‌ئێستادا سیاسه‌تێک پیاده‌ ده‌کات که‌ دیپۆرت کردنه‌وه‌ی په‌ناخوازانه‌ بۆ ئه‌و وڵاتانه‌ی لێوه‌ی هاتوون. هه‌ر به‌له‌مێک که‌ به‌شێوه‌ی قاچاخ ده‌گاته‌ ئه‌و وڵاته‌ دیپۆرت ده‌کرێنه‌وه‌ بۆ ئه‌و شوێنانه‌ی لێوه‌ی هاتوون.

کۆچبه‌رانی عێراقی ده‌گه‌ڕێنه‌وه‌

1012201592626لااتلاتتۆغلالانتى (1)ئاژانسی هەواڵی (یلێ‌)ی فلەندی بڵاویكردەوە كە زیاتر لە 700 پەناخوازی عێراقی بڕیاریانداوە بگەڕێنەوە بۆ عێراق و بەوەش دەستبەرداری كەیسەكانیان بوون لەو ووڵاتە.
 
بەرپرسێكی باڵای حكومەتی فلەنداش لە وەزارەتی كۆچی ئەو ووڵاتە ڕایگەیاند بەشێك لە پەناخوازانی عێراق زانیاری هەڵەیان هەبووە لەسەر یاساكانی كۆچی ووڵاتەكەیان وئەوان لایان وابووە هەموو شتێك ئامادەكراوە بۆ ئەوان بەبێ‌ ئەوەی لەوە تێبگەن كە پێدانی مافی پەنابەرێتی چەند كاتی دەوێت.
 
ئاژانسەكە لەزاری چەند پەناخوازێكی عێراقیەوە ئەو هەواڵە بشتڕاستدەكاتەوە و ئەوان باس لە خراپی بارودۆخی خۆیان دەكەن لە كەمپەكاندا و هاوكات نیگەرانیشن لە خراپی بارودۆخی عێراق. بەپێی دواهەمین ئاماری فەرمی ئەو ووڵاتەش ، لە سەدا 60 ی ئەو پەناخوازانەی ئەمساڵ ڕوویان لە فلەندا كردووە بەڕەگەز عێراقی بوون.
 
هەواڵی گەڕانەوەی عێراقیەكان بەشێوەیەكی خۆبەخشانە لەئێستادا بۆتە بابەتێكی میدیاكان . پێشتریش ، میدیاكانی ئوسترالیا گەڕانەوەی چەند پەناخوازێكی عێراقیان لە كەمپەكانی دوورگەگانی ناورۆ وپاپانیوگینیاوە بۆ عێراق پشتڕاستكردووە ، ئەویش لەپاش ئەوەی ئەوان بێئومێد بوون كە ڕێگەیان پێدەدرێت داوای مافی پەنابەرێتی لە ئوسترالیا بكەن. 
 
هاوكات ، لەماوەی چەند ڕۆژی ڕابردوودا  ڕۆژنامەیەكی لۆكاڵی بەلجیكاش ئەوەی  ئاشكراكرد كە زیاتر لە 800 پەناخوازی عێراقی دەستیان لە كەیسەكانیان بۆ وەرگرتنی مافی پەنابەرێتی هەڵگرتووە و بەوەش پلانی ئەوەیان هەیە كە بگەڕێنەوە بۆ عێراق. وەك ڕۆژنامەكەش ئاماژەی بۆ دەكات ، دڵنیانەبوونیان لە وەرگرتنی مافی پەنابەرێتی و زۆرمانەوەیان هۆكار بووە بۆئەوەی ئەو پەناخوازانە دەست لەكەیسەكانیان هەڵبگرن.  

به‌ڤیدیۆ؛ پێنج ساڵ له‌مه‌وبه‌ر ئه‌م كاره‌ساته‌ به‌سه‌ر په‌ناخوازاندا هات

12240105_10156246122635072_7326783866331821417_nئه‌مڕۆ سێشه‌ممه‌ 15ی‌ كانونی‌ یه‌كه‌م، پێنج ساڵ تێپه‌ڕده‌بێت به‌سه‌ر كاره‌ساتی‌ نقمبوونی‌ به‌له‌مێكی‌ په‌ناخوازان كه‌ زۆرترین مشتومڕی‌ سیاسی‌ به‌دوای‌ خۆیدا هێنا.

له‌و ڕووداوه‌دا كه‌له‌نزیك دوورگه‌ی‌ كریستماسی‌ ئوسترالیا ڕوویدا ، 48 په‌ناخواز كه‌به‌شێكی‌ به‌رچاویان په‌ناخوازی‌ كوردو عێراقی‌ بوون، گیانیانله‌ده‌ستدا.

ئه‌وه‌ی‌ له‌و كاته‌دا بووه‌ جێگه‌ی‌ سه‌رنجی‌ میدیاكان تۆماركردنی‌ چۆنیه‌تی‌ ڕووداوی‌ نقوبوونی‌ به‌له‌مه‌كه‌یه‌ له‌لایه‌ن هاوڵاتیه‌كی‌ دوورگه‌كه‌وه‌و تێدا ده‌رده‌كه‌وێت كه‌ چۆن په‌ناخوازه‌كان داوای‌ هاوكاری‌ به‌په‌له‌ده‌كه‌ن، له‌كاتێكدا كه‌به‌هۆی‌ توندی‌ شه‌پۆله‌كانی‌ ده‌ریاكه‌وه‌ به‌له‌مه‌كه‌ وورده‌ دوورده‌ تێكده‌شكێ‌ و په‌ناخوازه‌كان ده‌كه‌ونه‌ سه‌رئاوه‌كه‌و پاشان چه‌ند به‌له‌مێك دێن به‌هانای‌ په‌ناخوازه‌كانه‌وه‌ و 42 په‌ناخوازیان ڕزگارده‌كه‌ن و به‌وه‌ش 48 تریشیان گیان له‌ده‌ست ده‌ده‌ن.

له‌ساڵانانی‌ ڕابردوودا، تێكشكانی‌ به‌له‌می‌ په‌ناخوازان له‌نزیك سنوره‌ئاویه‌كانی‌ ئوسترالیا بووبوو به‌ دیارده‌و سه‌دان په‌ناخواز له‌ڕووداوی‌ جۆراوجۆری‌ تێكشكانی‌ به‌له‌مه‌كانیاندا گیانیان له‌ده‌ستدا.

به‌ڵام له‌كۆتایی‌ ساڵی‌ 2013 ه‌وه‌ ، حكومه‌تی‌ ئه‌و ووڵاته‌ بڕیاریدا به‌ گێرانه‌وه‌ی‌ به‌له‌می‌ په‌ناخوازان بۆئه‌و ووڵاته‌ی‌ به‌له‌مه‌كانی‌ لێوه‌هاتوه‌، به‌وه‌ش په‌ناخوازان نائومێدن كه‌بتوانن به‌شێوه‌یه‌كی‌ نایاسایی‌ و له‌ڕێگه‌ی‌ ده‌ریاوه‌ خۆیان بگه‌یه‌ننه‌ ئوسترالیا.

هه‌رچه‌نده‌ ڕێكخراوه‌كانی‌ تایبه‌ت به‌داكۆكیردن له‌ مافی‌ په‌ناخوازان سیاسه‌تی‌ ده‌ستگیركردنی‌ په‌ناخوازان و گێڕانه‌وه‌یان به‌پێشێلكردنی‌ مافی‌ په‌ناخوازانی‌ له‌قه‌ڵه‌م ده‌ده‌ن، ته‌نانه‌ت سكرتێری‌ گشتی‌ نه‌ته‌وه‌یه‌كگرتووه‌كان، بان كی‌ مون، له‌دواهه‌مین لێدوانیدا له‌سه‌ر ئه‌و بابه‌ته‌ داوای‌ له‌حكومه‌تی‌ ئوسترالیا كرد له‌م بارودۆخه‌ خراپه‌ی‌ كۆچبه‌ران له‌جیهاندا دووباره‌ چاوبخشێنێته‌وه‌ به‌و سیاسه‌ته‌و كۆتایی‌ بهێنێت به‌ ده‌ستگیركردنی‌ په‌ناخوازان، به‌ڵام حكومه‌تی‌ ئوسترالیا ڕایگه‌یاند ئه‌وان به‌رده‌وام ده‌بن له‌سه‌ر پیاده‌كردنی‌ ئه‌و سیاسه‌ته‌ چونكه‌ ته‌نها ئه‌و ڕێوشوێنه‌ توانویه‌تی‌ كۆتایی‌ بهێنێت به‌مه‌رگی‌ په‌ناخوازان‌و به‌شێوه‌یه‌كی‌ به‌رچاو كۆتایی‌ هێناوه‌ به‌ كاری‌ بازرگانیكردن به‌ په‌ناخوازانه‌وه‌ له‌لایه‌ن قاچاخچیه‌كانه‌وه‌.

هه‌ر سه‌باره‌ت به‌ڕووداوه‌كه‌ی‌ دوورگه‌ی‌ كریستماس، له‌ماوه‌ی‌ ڕابردوودا چه‌ند خێزانێكی‌ عێراقی‌‌و ئێرانیش كه‌ به‌شێك له‌ئه‌ندامانی‌ خێزانه‌كانیان له‌و ڕووداوه‌دا گیانیان له‌ده‌ستدا سكاڵایان له‌سه‌ر حكومه‌تی‌ ئوسترالیا تۆماركرد به‌تۆمه‌تی‌ كه‌مته‌رخه‌میكردن له‌هه‌وڵه‌كانیان له‌و كاته‌دا بۆ ڕزگاركردنی‌ گیانی‌ په‌ناخوازان.

هاوكات، به‌رپرسێكی‌ باڵای‌ وه‌زاره‌تی‌ كۆچی‌ ئوسترالیاش له‌كاتی‌ تۆماركردنی‌ سكاڵاكه‌دا ڕایگه‌یاند كه‌ ئه‌وان هه‌رچیان له‌ده‌ستهاتبێـت كردویانه‌ بۆ ڕزگاركردنی‌ ئه‌و په‌ناخوازانه‌.

سه‌رچاوه‌: گاردیانی‌ به‌ریتانی‌، بی‌ بی‌ سی‌

گومان هه‌یه‌ ئوسترالیا چیتر په‌نابه‌ر وه‌رنه‌گرێت

3122گومان هه‌یه‌ له‌وه‌ی که‌ ئوسترالیا داوای له‌ نه‌ته‌وه‌ یه‌کگرتووه‌کان کردبێت چیتر په‌نابه‌ر وه‌رنه‌گرێت.

به‌پێی به‌ڵگه‌نامه‌یه‌ک که‌ ئاشکرا بووه‌، حکومه‌تی ئوسترالیا له‌گه‌ڵ نه‌ته‌وه‌ یه‌کگرتووه‌کان و ئیندۆنیزیادا قسه‌ی کردووه‌ که‌ په‌نابه‌رانی تۆمارکراو له‌لایه‌ن کۆمسیۆنی باڵای نه‌ته‌وه‌ یه‌کگرتووه‌کان بۆ په‌نابه‌ران وه‌رنه‌گرێت له‌دوای مانگی حوزه‌یرانی ساڵی ٢٠١٤ـه‌وه‌.

ئه‌و به‌ڵگه‌نامه‌یه‌ که‌ هیچ مێژوویه‌کی به‌سه‌ره‌وه‌ نییه‌ له‌م دواییانه‌دا مشتومڕی ناوه‌ته‌وه‌ له‌نێوان پارێزه‌ران و پشتیوانانی په‌نابه‌ران و وه‌زاره‌تی کۆچی ئوسترالیا به‌ڵام هێشتا ڕاست و دروستی به‌ڵگه‌نامه‌که‌ ئاشکرا نه‌بووه‌.

سه‌رۆکوه‌زیرانی پێشووی ئوسترالیا ڕایگه‌یاندبوو نزیکه‌ی ١٢ هه‌زار په‌نابه‌ر له‌ سوریا و عێراقه‌وه‌ به‌شێوه‌یه‌کی یاسایی له‌ڕێگه‌ی نه‌ته‌وه‌ یه‌کگرتووه‌کان و ڕێکخراوه‌ نێوده‌وڵه‌تییه‌کانه‌وه‌ وه‌رده‌گیرێن.

پێویستت به‌ ڤیزا نییه‌ بۆ گه‌شتی ئه‌م وڵاتانه‌

Colombo-City-Aerialله‌ به‌شی یه‌که‌می ئه‌م بابه‌ته‌دا چوار وڵاتمان ئاشکرا کرد که‌ عێراقییه‌کان به‌بێ ئه‌وه‌ی پێویست بکات ڤیزا لێبده‌ن ده‌توانن گه‌شتی بۆ بکه‌ن. ئه‌مجاره‌ ٤ وڵاتی تر ئاشکرا ده‌که‌ین که‌ ئێوه‌ ده‌توانن گه‌شتی بۆ بکه‌ن و پێویست به‌ ڤیزاش ناکات:

گورجستان (جۆرجیا)

گورجستان دەکەوێتە ناوچەی قەفقاز، لەنێوان ئەورووپا و ئاسیا. به‌ چیا و كه‌ناره‌كانى له‌سه‌ر ده‌ریاى ره‌ش ناسراوه‌. له‌ ساڵی ٢٠١٣ نزیكه‌ى پێنج ملیۆن و چوارسه‌د هه‌زار كه‌س سه‌ردانى گورجستانى كردووه‌ كه‌ زیاتر له‌ ٩٥٪ی هاولآتی ئه‌وروپی بوون و، سێكته‌ری گه‌شتوگوزار له‌م ولآته‌ له‌ گه‌شه‌سه‌ندنێكی زۆر خێرادایه‌. دیارترین شوێنه‌ گه‌شتیاریه‌كانى گورجیستان: شاری تیبلیسی، باتۆمی، كورته‌یسی..

سریلانكا

دورگه‌ ولآتێكه‌ له‌ باشوری ئاسیا له‌ زه‌ریای هیندی، به‌ دارستانه‌ سه‌خت و كه‌ناره‌ ئاوییه‌ زۆر و زه‌به‌نده‌كانى ناسراوه‌. یه‌كێكه‌ له‌و ولآتانه‌ى كه‌ زۆر نه‌ناسراوه‌ له‌ عێراق و ناوچه‌كه‌ به‌لآم له‌ ساڵی ٢٠١٤ زیاتر له‌ ملیۆن و نیوێك گه‌شتیار سه‌ردانیان كردووه‌ و هاولآتیانى عێراقیش ده‌توانن به‌بێ فیزا سه‌ردانى بكه‌ن. دیارترین شوێنه‌ گه‌شتیاریه‌كانى سریلانكا: شاری كۆڵۆمبۆ، شاری كه‌ندی.

مۆزه‌نیق

یه‌كێك له‌و ولآته‌ ئه‌فریقیانه‌ى زۆرترین گه‌شتیار سالآنه‌ رووی تێده‌كه‌ن، به‌ جوانى سروشته‌كه‌ى، چرِی داستان و كه‌ناره‌ ده‌ریایی و شوێنه‌ مێژوویه‌كانى ناسراوه‌. به‌پێی ریزبه‌ندی رێكخراوی گه‌شتیاری سه‌ر به‌ نه‌ته‌وه‌ یه‌كگرتووه‌كان، مۆزه‌نبیق پێنجه‌م ولآته‌ له‌ رووی زۆری ژماره‌ى گه‌شتیارانه‌وه‌ له‌ ئه‌فریقا و له‌ساڵی ٢٠١٤ نزیكه‌ى دوو ملیۆن كه‌س سه‌ردانى ئه‌م ولآته‌یان كردووه‌.

ئازه‌ربیجان

ده‌كه‌وێته‌ نێوان رۆژئاواى ئاسیا و رۆژهه‌لآتى ئه‌وروپا له‌ ناوچه‌ى قه‌فقاز. ئازاربیخان و به‌تایبه‌تى پایته‌خته‌كه‌ى باكو به‌ نموونه‌یه‌كى زیندوو داده‌نرێن بۆ رۆڵی نه‌وت له‌ گه‌شه‌پێدانى ولآت. هێڵی ئاسمانى عێراقی رێككه‌وتنێكی له‌گه‌ڵ ئازه‌ربیجان ئیمزا كردووه‌ بۆ ئه‌وه‌ى هه‌فتانه‌ به‌بێ فیزا هاولآتیانى عێراقی بتوانن بۆ ماوه‌ى هه‌فته‌یه‌ك گه‌شت بۆ ئازاربیجان بكه‌ن، برِیاره‌ له‌ماوه‌یه‌كى زۆر كورتدا گه‌شته‌كان ده‌ستپێبكات.

ژماره‌یه‌ک وڵاتی تریش هه‌ن که‌ ده‌توانیت به‌بێ ڤیزا وه‌کو عێراقییه‌ک گه‌شتیان بۆ بکه‌یت له‌م لینکه‌وه‌ به‌شی یه‌که‌م ببینه‌:

https://kochikurdan.wordpress.com/2015/12/04/%D8%A8%D9%87%E2%80%8C%D8%A8%DB%8E-%DA%A4%DB%8C%D8%B2%D8%A7-%D8%B9%DB%8E%D8%B1%D8%A7%D9%82%DB%8C%DB%8C%D9%87%E2%80%8C%DA%A9%D8%A7%D9%86-%D8%AF%D9%87%E2%80%8C%D8%AA%D9%88%D8%A7%D9%86%D9%86-%DA%AF%D9%87/

به‌بێ ڤیزا عێراقییه‌کان ده‌توانن گه‌شت بۆ هه‌شت وڵات بکه‌ن

56168_146812پاسپۆرتی عێراقی دووه‌م خراپترین پاسپۆرته‌ له‌جیهان ته‌نها له‌ سه‌رووی ئه‌فغانستان له‌رووى ژماره‌ى ئه‌و ولآتانه‌ى كه‌ ده‌توانى به‌بێ ڤیزه‌ بۆیان بچی، ته‌نها ٢٩ ولآت هه‌یه‌ له‌ جیهات كه‌ عێراقی ده‌توانن به‌بێ ڤیزا یاخود ڤیزا له‌كاتى گه‌یشتن به‌و ولآته‌ بۆی بچن. راسته‌ ئه‌و شوێنانه‌ كه‌من به‌لآم هه‌ندێكی ولآتی زۆر سه‌رنج راكێشن كه‌ ده‌توانی به‌ ئاسانی بۆیان بچی و كاتێكی خۆشی تێدا به‌سه‌ر ببه‌ى. لێره‌ ئێمه‌ ٨ ولآت لیست ده‌كه‌ین كه‌ ده‌توانى به‌بێ ڤیزه‌ یان ڤیزه‌ له‌كاتى گه‌یشتن بۆیان بچی و كاتى زۆر خۆشیان تێدا به‌سه‌ر ببه‌ى.

١- توركیا

له‌هه‌مان كاتدا رۆژهه‌لآت و رۆژئاوایه‌، ئه‌مه توركیايه. توركیا به‌ یه‌كێك له‌ سه‌رنجراكێشترین ولآتانى جیهان داده‌نرێت و له‌ لیستى ئه‌و ولآتانه‌ى زۆرترین گه‌شتیار سه‌ردانى ده‌كه‌ن كه‌ له‌لایه‌ن رێكخراوی گه‌شتیاری جیهانی سه‌ر به‌ ته‌نه‌وه‌ یه‌كگرتووه‌كان ئاماده‌كراوه‌ له‌ساڵی ٢٠١٤ شه‌شه‌م ولآت بووه‌ له‌ رووى زۆری ژماره‌ى ئه‌و گه‌شتیارانه‌ى سه‌ردانى ده‌كه‌ن و نزیكه‌ى ٤٠ ملیۆن كه‌س سه‌ردانى كردووه‌. توركیا چه‌ندین ناوچه‌ى گه‌شتیاری جیاوازى هه‌یه‌ كه‌ هه‌ر یه‌كێكیان له‌وانه‌یه‌ پێویستی به‌ گه‌شتێكی تایبه‌ت بێت بۆ ئه‌وه‌ى سه‌ردانى بكه‌ن، دیارترین شوێنه‌ گه‌شتیاریه‌كانى توركیا: ئیسته‌نبووڵ، ئه‌نتاڵیا، ئالآنیا، كه‌په‌دۆكیا و بۆدرومن. هه‌ڵگری پاسپۆرتى عێراقی ده‌توانێ له‌كاتى گه‌یشتنى بۆ فرۆكه‌خانه‌ى ئیسته‌نبووڵ ڤیزاى توركیا به‌خۆرِایی وه‌ربگرێت.

٢- مالیزیا

مالیزیا به‌ ئاسیاى راسته‌قینه‌ ده‌ناسرێ، یه‌كێكه‌ له‌و ولآته‌ سه‌ركه‌وتووانه‌ى كه‌ له‌ماوه‌یه‌كى كه‌م گه‌شه‌یه‌كى ئابووری گه‌وره‌ى به‌خۆیه‌وه‌ بینی. له‌رووى ژماره‌ى گه‌شتیارانه‌ له‌ كیشتوه‌ری ئاسیا له‌دواى هه‌ریه‌ك له‌ چین و هۆنگ كۆنگ زۆرترین گه‌شتیار سالآنه‌ سه‌ردانى ده‌كه‌ن. له‌ ساڵی ٢٠١٤ زیاتر له‌ ٢٧.٤ ملیۆن كه‌س سه‌ردانى كردووه‌. عێراقی به‌بێ ڤیزا ده‌توانن سه‌ردانى بكه‌ن. مالیزیا ولآتێكی گه‌شتیاری زۆر سه‌وزه‌، چه‌ندان دوورگه‌ و شوێنی گه‌شتیاری سه‌رنجراكێشی تێدایه‌. له‌ دیارترین شوێنه‌ گه‌شتیاریه‌كانى مالیزیا: ئه‌شكه‌وتى مولو، دورگه‌كانى لانگكاوی و پیرهینتیان، كوالالامپور، چیای چینه‌باڵو، دورگه‌ى پوڵۆو تیۆمان، پردی تامان نیگارا له‌ پاركی نیشتمانى مالیزیا و به‌رزاییه‌كانى كامیرۆن

٣- لوبنان

به‌ سویسرای رۆژهه‌لآت ناسراوه‌ به‌هۆى دیمه‌نه‌ سروشتیه‌ دڵرفێنه‌كانى. ده‌وڵه‌مه‌ندی كلتوری و جیاوازى ئاینی و مه‌زهه‌بی ره‌نگێكی ره‌ونه‌قدارتری داوه‌ته‌ ئه‌م ولآته‌. له‌رووى ژماره‌ى گه‌شتیاره‌وه‌، نۆیه‌م ولآته‌ له‌ خۆرهه‌لآتى ناوه‌رِاست و له‌ساڵی ٢٠١٤ زیاتر له‌ ١.٣ ملیۆن كه‌س سه‌ردانى لوبنانى كردووه‌. دیارترین شوێنه‌ گه‌شتیاریه‌كانى لوبنان: به‌یروت، ئه‌شكه‌وته‌كانى ژعیتا، شوێنه‌واره‌ مێژوویه‌كانى به‌عله‌به‌ك و ناوچه‌ى فه‌رایا كه‌ ناوچه‌یه‌كى شاخاوی خلیسكانى سه‌ر به‌فره

٤- مالدیڤز

به‌تایبه‌ت بۆ ئه‌وانه‌ى كه‌ به‌نیازى مانگی هه‌نگوینین، دوورگه‌كانى ماڵدیڤز یه‌كێكه‌ له‌ گونجاوترین شوێنه‌كانى جیهان و به‌ كه‌ناره‌ لم سپیه‌كانى ناسراوه‌. هاولآتیانى عێراق ده‌توانن به‌بێ ڤیزه‌ سه‌ردانى ئه‌م دوورگه‌یه‌ بكه‌ن. ماڵدیڤز شوێنێكی دیاریكراوى ناسراوى نیه‌ و، هه‌موو دورگه‌كان ناسراون و جێی سه‌رنجن.

له‌ پۆستێکی تردا ٤ وڵاته‌که‌ی تر ئاشکرا ده‌که‌ین… له‌گه‌ڵماندا بن به‌رده‌وام بۆ زانیاری له‌باره‌ی کۆچ و په‌نابه‌ران و گه‌شت و په‌ناخوازان و ده‌رفه‌تی خوێندن و کار له‌ ده‌ره‌وه‌ی وڵات..

سیاسه‌تی نوێی ئوسترالیا به‌رامبه‌ر په‌نابه‌ران

١٩٥هەزار عێراقی لەم ساڵدا داوای پەنابەریان کردووە

135412782015_λαθρομεταναστεςکۆمسیۆنی سەربەخۆی مافی مرۆڤی عێراق ئاشکرایدەکات کە لە هەشت مانگی ئەم ساڵدا ١٩٥ هەزار هاوڵاتی دوای مافی پەنابەرێتیان کردوە.

بەگوێرەی ڕاپۆرتێکی کۆمسیۆنی سەربەخۆی مافی مرۆڤ لە عێراق لەم ساڵدا ١٩٥ هەزار هاوڵاتی عێراقی لە سەرجەم وڵاتانی جیهان داوای مافی پەنابەرێتیان کردووە.

لەو ڕاپۆرتەدا هاتووە “لە ساڵی ٢٠١٥بەهۆی شەر و ئاڵۆزیەوە ١٩٥ هەزار هاوڵاتی عێراقی داوای مافی پەنابەریەتیان  جیهان كردوە و ٣٣%ی ئەوانەش گەنجن ئەوە جگە لەوەی بە هەزاران خێزان بەشێوەی نا یاسایی عێراقیان بەجێهێشتووە”.

فازڵ غەراوی ئەندامی كۆمسیۆنەكە لەبەیاننامەیەكدا ڕایگەیاندوە  کە هۆکاری کۆچی دانیشتوانی عێراق بۆ شەڕو رفاندنی هاوڵاتیان و بێ كاری و خراپی رەوشی خزمەتگوزاریەكان دەگەڕێنێتەوە.

لەسەرەتای ئەم ساڵەوە لە سەرتاسەری عێراق و بەتایبەتیش لە هەرێمی کوردستان جارێکی دیکە بەشێوەیەکی بەرفراوان کۆچی هاووڵاتیان بۆ دەرەوەی وڵات دەستیپێکردۆتەوە.

NRT

پاڵەوانی و جوامێری فریای پەنابەرێكی كورد ده‌كه‌وێت؟

120115021505هۆمایۆنی حاتەمی ، ئەو پەنابەرە كوردەیە كە چوار ساڵ لەمەوبەر لەپاش ئەوەی بڕیاردەدات ئێران بەجێ‌ بهێلێت و لە ئەندەنوسیاوە چارەنووسی خۆی ڕادەستی بەلەمێكی پەنابەران دەكات

و لەپاش گەشتنی بە ئاوەكانی سنوری ئوسترالیا لەلایەن هێزە دەریایەكانی ئەو ووڵاتەوە دەستبەسەر دەكرێت و ڕەوانەی كەمپی پەنابەران دەكرێت لە دوورگەی كریستماسی ئەو ووڵاتە.

ڕەنگە حاتەمی هەموو ئەو نەهامەتیانەی لەبیركردبێت كەلە كەمپی پەنابەران بەسەری هاتوون و چەندین جار بەهۆی تووش بوون بە خەمۆكی ڕەوانەی نەخۆشخانە كراوە ، بەڵام ئەوەی ئێستا ئەوی تەواو نائومێدكردووە هەواڵی تازەنەكردنەوەی مافی پەنابەریەكەیەتی و لەدواهەمین ئاگاداركردنەوەی وەزارەتی كۆچی ئوسترالیا بۆ حاتەمی تەمەن 26 ساڵ هاتووە كە وادەی مافی پەنابەریەتیەكەی كەلەجۆری “كاتی” بووە لە مانگی نیسانی ئەمساڵدا تەواو دەبێت و تازە ناكرێتەوە. بەوەش پێدەچێت دیپۆرتی ئێران بكرێتەوە. 

بەپێی یاساكانی كۆچی ئوسترالیا ، لەپاش تەواوبوونی وادەی مافی پەنابەرێتی كاتی ، وەزارەتی كۆچی ئەو ووڵاتە لەپاش چاوخشانەوە بە بارودۆخی ووڵاتی سەرەكی پەنابەرەكەو بارودۆخی تایبەتی كەیسی پەنابەرەكە ڕەنگە بڕیاربدات بە كۆتایهێنان بەمافی ئەو پەنابەرە و ڕێوشوێنی گونجاو بۆ دیپۆرتكردنەوەی بگرێتە بەر. 

لەئێستادا و بەووتەی حاتەمی ، وەزارەتی كۆچی ئوسترالیا دەرماڵە هەفتانەكەشی بڕیوە و بەوەش تێچووی خواردنی ڕۆژانەی لەلایەن بانكێكەوە كەسەر بە كەنیسەیەكە لە وولایەتی ڤیكتۆریا دابین دەكرێت و ئەمە جگەلەدابینكردنی پێداویستی تری وەك خزمەتگوزاری یاسایی و كۆمەڵایەتی كەلەلایەن ڕێكخراوێكی داكۆكیكار لەمافی پەنابەرانەوە دابیندەكرێت. 

قەشەیەكی ئەو كەنیسەیەش كەلەنزیكەوە حاتەمی دەناسێت نیگەرانی خۆی دەربڕی بەوەی كە حكومەتی ئەو ووڵاتـە ئامادەنیە مافی پەنابەرێـتی ئەو تازە بكاتەوە و بە لەبەرچاوگرتنی كەسایەتی حاتەمی ئەو دەڵێت شایەنی ئەوەیە لە ووڵاتە بمێنێتەوە. 

ڕزگاركردنی كەسێك لەلایەن حاتەمیەوە كە ویستیووی خۆی بكوژێت كەسایەتیەكی تۆكمەی بەجۆرێك بۆ ئەو پەنابەرە كوردە دروستكرد كەدووجار و لەلایەن دوو دامەزراوەی بەناوبانگی ئوسترالیاوە خەڵاتی جوامێری پێ ببەخشرێت. حاتەمی لە ڕۆژانێكدا كە داهاتووی نادیار بوو ، لە بارودۆخێكی زۆر سەرما و سۆڵەدا ، فریای ژنێك دەكەوێت كە بەمەبەستی خۆكوشتن خۆی فڕێدابووە ناو دەریاوە و حاتەمی جوامێرانە ڕزگاری دەكات. 

جگەلەوەش ، حاتەمی وەزشكارێك و پاڵەوانی وەرزشی كاراتیە و تائێستاش لەگەڵ ڕاهێنەری تیمی ئوسترالیا بۆ كاراتی بەردەوامە لەو وەرزشە. وەك خۆی دەڵێت ، لەسەرەتای ساڵی ڕابردودا ، پاڵێورا بۆ نوێنەرایەتیكردنی ئوسترالیا بۆ بەشداری كردن لە بۆنەیەكی وەرزشیدا لە ووڵاتی فیجی بەڵام لەبەرئەوەی مافی وەرگرتنی پاسپۆرتی ئوسترالی نەبوو نەیتوانی بەشداری لەو بۆنە وەرزشیەدا بكات. 

هۆمایۆنی حاتەمی لە كۆتایدا دەڵێت خەونی ئەو كردنەوەی یانەیەكی كاراتی و بردنەوی مەدالیای ئاڵتوونە بۆ ئوسترالیا لە بۆنە وەرزشیە نێودەوڵەتیەكاندا و ڕوو لە حكومەتی ئوسترالیا دەكات و دەڵێت ” چوارساڵی ڕابردوو بەفیڕۆدانی كات بوو ، گەلێك دەرفەتم لەدەستچوو، ئەگەر دەكرێت ، چانسێكم بدەنێ‌”

هەژار تەها

سەرچاوە : ماڵپەری ڕۆژنامەی “زەئەیج”

%d bloggers like this: